1209 agosto 27, Pisa

In nomine Patris et Filii et Spiritus Sancti amen. Nos Hugo Beroardus, canonicus maioris ecclesie civitatis Massilie, et Ugo Andree et Cerleone, legati domini Rainerii episcopi Massilie, et Rozelini et Hugonis de Bauzio, dominorum Massilie, Hugonis Feri, Massilie vicarii, et consulum et tocius universitatis Massilie, pro ipsis domino episcopo et omnibus et dominis consulibus Massilie et tota universitate Massilie et pro omnibus hominibus sue iurisdictionis, facimus vobis domino Gottifredi Vicecomiti Pisanorum potestati, pro vobis et pro comuni Pisano et civitate Pisana et omnibus Pisanis et omnibus hominibus Pisani districtus et qui Pisano nomine censentur, firmam et veram pacem. Et convenimus et promittimus vobis pro nobis et pro supradicto episcopo et pro supradictis dominis et consulibus et universitate Massilie vobis supradicto domino Gottifredo Vicecomiti Pisanorum potestati, pro vobis et pro comunis Pisano et pro civitate Pisana et omnibus Pisanis et qui Pisano nomine censentur et Pisani districtus hominibus, quod predictus dominus episcopus et domini et consules qui modo sunt et qui deinceps erunt et populus Massilie et omnes homines eius iurisdictionis, firmam et veram pacem tenebunt cum civitate Pisana et cum omnibus hominibus Pisane civitatis et eius fortie et districtus et cum omnibus qui Pisano nomine censentur, et salvabunt et defendent eos omnes, in personis et rebus, terra et mari et aqua, sanos et naufragos, eundo, stando et redeundo in Massilia et eius portu et fortia et districtu, tam contra amicos quam contra inimicos et contra omnem personam et locum; et quod in personis vel rebus non offendent in aliqua parte vel loco, nec offendi aliquo modo facient Pisanos vel aliquem eorum vel aliquem de districtu vel fortia Pisane civitatis vel aliquem qui Pisano nomine censentur, nec aliquem qui in ligno Pisanorum cum Pisanis navigabit, nisi sit de terra cum qua Massilia publicam habeat guerram vel a Massilia per suas litteras civitati Pisane denunciatum fuerit quod guerram habeat, qua denunciatio fieri non debet nisi de ea terra cum qua in veritate Massilia guerram habuit, et tunc si eum offenderet, pax propter hoc non rumpatur. Et si offensio facta fuerit de personis infra quadraginta dies ex quo inde reclamatio facta fuerit in Massilia domino episcopo Massilie, si ille qui offensam fecerit fuerit de iurisdictione dominorum, convenientem inde vindictam facient. Si vero de rebus fuerit offensio facta alicui Pisanorum vel eius iurisdictionis aut fortie et districtus, ab inquisitione ab eo facta vel ab aliqua persona pro eo visis litteris Pisani comunis sigillo sigillatis infra XL dies (a) continuos, ita quod probatum vel certum sit confessione vel duobus testibus ydoneis, cum integritate ablata si invenientur restitui facient, si non invenientur(b) de bonis qui dampnum dedit emendari facient. Hoc tamen intellecto sive presens si vel absens sit qui dampnum dedit, dum t (ame) n solvendo sit, plenarie ut dictum est ablata restitui vel emendari facient. Si vero solvendo non fuerit in totum sive pro parte, pro ea parte pro qua solvendo fuerit dampnum emendari facient, pro eo autem quod solvendo non fuerit facient fieri de eo quod offensam fecerit iusticiam secundum rationem et bonum usum civitatis Massilie. Et quod si quis Pisanorum vel de Pisano districtu seu fortia de aliquo negocio quod ab hodie in antea fiet vel quod ante fractionem pacis inter Pisanam civitatem et Massiliam factum fuerit reclamationem fecerit de aliquo homine de Massilia vel de eius districtu aut fortia, seu de aliquo foretaneo qui in Massilia tunc inveniretur, secundum rationem et bonum usum civitatis Massilie iusticie plenitudinem ei fieri facient, exceptis (quo) de dampnis datis et ablationibus et rapinis hinc inde factis usque ad diem conpositionis huius pacis, de quibus omnibus non teneantur rationem facere. Et quod recipient et salvabunt et defendent omnes homines et res et navigia Pisanis(c) et hominum eius fortie et districtus et eos qui Pisano nomine censentur cum omnibus rebus quas habuerint sive secum reduxerint, qui et que ad Massiliam vel eius fortiam devenient et applicabunt sive confugient et morari voluerint ab omnibus hominibus et personis, et nominatim Ianuensibus et hominibus de districtu et riveria eorum, et eos securos et tutos facient et adiuvabunt eos pro eorum posse. Et quicumque egredi voluerint, eos libere exire permittant cum omnibus eorum rebus nec antequam voluerint Pisani eos exire cogent. Et quod navigare permittent libere Massilienses cum Pisanis et eis nullo modo prohibebunt nec prohiberi facient cum Pisanis navigare vel ire quocumque modo volentibus. Et quod Ianuense havere sicum Massiliensibus forte in aliquo viagio inventum fuerit a Pisanis, ipsi Massilienses non facient suum, nec suo nomine ipsum deffendent. Et si forte aliquis Massiliensis cum Ianuensibus donec guerra inter Pisanos et Ianuenses fuerit a Pisanis inventus fuerit in eorum navibus vel lignis, eundo vel redeundo, liceat Pisanis, et Pisane fortie et districtus hominibus, Massilienses et res eorum tamquam Ianuenses offendere et capere et capta retinere et non reddere vel reddi facere, et propterea hoc pax et concordia non rumpatur. Et quod Massilienses in aliquo viagio non deferent salem in aliquam partem a Ianua usque Pis (as) , nisi Pisis tantum. Et quod de havere Pisanorum quod Massiliam per pelagos vel per riveriam adductum fuerit pro vendendo ibi vel inde extrahendo nichil pro dirictura vel ripa seu lesda vel aliquo alio modo in introitu vel exitu ab aliquo Pisano vel homine Pisanis districtus vel fortie vel ab aliquo qui Pisano nomine censeatur tolletur vel exigetur in Massilia vel eius fortia aut districtu, nisi id tantum quod minus exactum sive acceptum fuerit ab hodie retro usque ad XX annos, preceptis (d) solidis XX vel XL qui pro unaquaque navi dantur pro purgatione portus. Et quod Massilienses in una quaque parte mundi extra Massiliam vel eius fortiam fuerint, adiuvabunt Pisanos cum armis bona fide sine fraude contra omnes homines nisi fuerint tales cum quibus Massilia pacis confederationem haberet, contra quos iuvare non teneantur, set interponent partes suas bona fide ad amicabilem compositionem faciendam. Predicta vero pax et conventio conscripta (e), omnia debeant observari et firma tenere ab hodie ad annos XXV proxime continuos. Que omnia sic observare et observari facere atque complere et compleri facere ad sancta Dei evangelia iuramus. Et insuper iuramus quod infra VIII dies ex quo Massiliam perveniemus faciemus ita quod memoratusdominus episcopus et Rozelinus et Hugo de Bauzio, et Hugo Ferus vicarius et consules Massilie, si presentes fuerint et si presentes non fuerint vel non fuerit ipsi vel aliquis eorum infra VIII dies ex quo presentes fuerint vel fuerit, de melioribus civibus Massilie, qui nobis magis convenientes videbuntur cum notario publico Massilie, que nomina iurantium scribet et scripta nobis transmittentur sigillata sigillo episcopi et dominorum Massilie, quod predictam pacem et suprascripta omnia et singula que in tenore suprascripte pacis continentur firma tenebunt facient (f) et observabunt atque per omnia complebunt. Et quod predicti dominus episcopus et Rozelinus et Hugo de Bauzio, domini Massilie, et Hugo Ferus vicarius non recipient consules nec esse permittent qui pro tempore fuerint qui non iurent predicta et singula firma tenere et facere et observare nec illi alios et sic pro tempore iurent et observent usque ad predictum terminum XXV annorum; et si predicti domini Massilie vel aliqui eorum decesserit vel decesserint, successores eorum vel successor iurabunt similiter omnia predicta et singula firma tenere facere et observare usque ad predictum terminum XXV annorum.
Acta sunt hec omnia Pisis, sub ecclesia sancti Petri in Palud (is) , presentibus Guelfo Hormaninii Paganelliet Marzuco Rain (erio) Gaitani et Lamberto Bononis et Sigerio Berte et Pellario Hugonis Pellarii et Pellario Turqui et Bonaccurso Gati et Marzucco Teperti et Petro Modani et Accurso Caballi et Rainerio Marsucci et Malzucco Preconis et Bandino Marzucci et Bandino Burgundii et Albithone Calderee etTholomeo et Opithone Gerardi Marzuccii et Continguo et Herro(g) et aliis nobilibus Pisanis et pluribus de populo. Et presentibus Bertramio Rostagno et Hugone de Lagda et Guiffredo Beroardo et Hugone Rifardo et Guilielmo Ugonis et Inardo et aliis pluribus Massiliensibus. Dominice vero incarnationis anno millesimo ducentesimo X, indictione XII, VI kalendas septembris.